Video
Read full review
2019-02-27
584 views
Openrice 開咗咁耐，我從未寫過食評，但難食既食店大把，服務態度差既食店亦大把。但剛剛食完呢間食店竟然可以速使我即刻係Openrice 開賬戶寫食評既，真係不得了！！呢間“澳門咖哩王清湯腩”其實上年定年幾前已係牛頭角定X街食過幾次，個時應該係總店(應該得一間細細間，嗰時食物質素好好又好食，個鬍鬚老闆又熱心又有禮貌，又會介紹菜式比我地。所以有時諗唔到食咩就會去食。因為佢有幾多招牌菜:咖哩牛腩都分幾種，又有特式麻辣食品同鮮茄食品。本人係幾鍾意食辣，嗰時係總店食過好食，仲介紹好多人去食。但現在唔知係咪出咗名賺到錢，開咗分店又搬咗鋪之後，我第一次去觀塘裕民坊呢間店(餐牌註明牛頭角店)，店內掛埋鬍鬚老闆張相，所以一定沒應錯。我地叫咗3樣野如下:1個常餐:沙嗲牛肉麵，火腿奄列＋方包 $421個咖哩牛腩飯+凍奶茶 $59 + $3凍飲=$621個麻辣牛腩飯+凍奶茶 $59 + $3凍飲=$62叫餐時與店員對話:👩🍳店員，🤷♀️我🤷♀️:常餐:沙嗲牛肉麵，火腿奄列＋多士👩🍳:多士加$2🤷♀️:咁要脆豬👩🍳:脆豬都要加$2，不過賣哂🤷♀️:吓！其實邊度寫要加$2？👩🍳:ae......你等
呢間“澳門咖哩王清湯腩”其實上年定年幾前已係牛頭角定X街食過幾次，個時應該係總店(應該得一間細細間，嗰時食物質素好好又好食，個鬍鬚老闆又熱心又有禮貌，又會介紹菜式比我地。所以有時諗唔到食咩就會去食。因為佢有幾多招牌菜:咖哩牛腩都分幾種，又有特式麻辣食品同鮮茄食品。
本人係幾鍾意食辣，嗰時係總店食過好食，仲介紹好多人去食。但現在唔知係咪出咗名賺到錢，開咗分店又搬咗鋪之後，我第一次去觀塘裕民坊呢間店(餐牌註明牛頭角店)，店內掛埋鬍鬚老闆張相，所以一定沒應錯。
我地叫咗3樣野如下:
1個常餐:沙嗲牛肉麵，火腿奄列＋方包 $42
1個咖哩牛腩飯+凍奶茶 $59 + $3凍飲=$62
1個麻辣牛腩飯+凍奶茶 $59 + $3凍飲=$62
叫餐時與店員對話:👩🍳店員，🤷♀️我
🤷♀️:常餐:沙嗲牛肉麵，火腿奄列＋多士
👩🍳:多士加$2
🤷♀️:咁要脆豬
👩🍳:脆豬都要加$2，不過賣哂
🤷♀️:吓！其實邊度寫要加$2？
👩🍳:ae......你等等，👩🍳去咗問另外同事，返過黎就指返餐牌中間有寫住多士加$2(但沒寫脆豬要加錢)
🤷♀️:咁脆豬沒寫加$2，你又話冇，咁可以點？
👩🍳:你要方包囉～(其實餐牌冇寫跟方包😑)
🤷♀️:咁要方包，(費時同👩🍳嗌🤬🤬)
🤷♀️:1個咖哩牛腩飯，1個麻辣牛腩飯
👩🍳:麻辣牛腩要唔要轉新鮮牛腩？
🤷♀️:心諗一定要加錢啦～所以唔諗住轉，但我老公就問如轉新鮮牛腩要加幾錢？
👩🍳:咖哩牛腩沒得轉，麻辣牛腩先有得轉，要加十幾蚊囉(語氣超差)
🤷♀️:唔洗轉😑
食物到了，我們一邊食，一邊自己同自己閙，因為食物全部都掂。
1) 沙嗲牛肉全部咬唔到，好硬，亞女牛咗一片就全部牛肉唔食，因為食唔到(仲好意思註明:必食)😨😨
2) 麻辣牛腩飯，一放上枱，已睇到有D牛腩係擺到乾咗，快子“獨”落去係硬既，都已經唔洗點試😓😓見D牛腩唔係幾食得，D麻辣汁又少(D汁唔似汁，似麻辣水，仲得好少)，咪問吓可唔可以加返小小麻辣汁比我“No”吓飯食都好。點知！！
👩🍳:枱則邊有辣椒油，你加嗰D！😵😵
態度超差，就行開咗去同收銀員傾計😡😡
嘩！勁！係咪要比👍🏻有D 咁既員工。
講真！如麻辣汁係同枱面既辣椒油一樣，咁根本唔值$59，而且如D汁係同枱上辣椒油一樣，店員員要拎入廚房加少少汁，就可以安撫到客人，咁都沒咁趕客吖~但沒計，店員令願繼續傾計。
3)咖哩牛腩飯，咖哩汁超重香料味，咖哩味唔夠，牛腩全部咬唔到，完全食唔到，吐返哂出黎。點食呢😡😡
成餐飯，冇野好食，員工態度超差，食物質素底劣,我地一邊食一邊閙(自己同自己閙)沒有大聲，免得影響其他客人(其實店唔多人食)。而且我有家教，D員工態度咁差，食物質素咁差，同佢地投訴都冇用。
反正都講咗:冇下次，呢間食店我地一定唔會再去食。但又真係從未試過食野食到咁想寫一編食評去寫出今餐飯既感受，亦想提提大家唔好中伏，免得好似我地咁，食到一肚氣仲食唔包。
亦都想提提有心做食店既老闆，希望你地可以有D良心，亦要灌切始終，有心做好食既食物比顧客，不要忘記初衷。賺到錢出咗名都要繼續保持好既出品，如果唔係，就算比你開到分店，都好快就會結業，因為食物食到落口食冇得呃人既，而且如果食物品質好，就算有人寫好既食評，只要客人食到好味都一定會返轉頭，但如果食物品質差劣，就算有更好既服務都未必有回頭客。
最後都要提提老闆，這店的員工真係要好好培訓一吓，如果唔係，客人未食野，只係落單時都足以比你d員工趕走。😵😵
以下有相為證，我地唔係亂架！
Post
