川粵米線大王 (Closed)

25-5-2009由於被下午 Haagen Daz all-you-can-eat 的 10 球雪糕塞飽兼「凍親個胃」, dinner 決定到紅磡食辣「取暖」. 聯記川王(又)無開門, 記得食友介紹過呢間好食又「唔算辣」, 又0黎睇睇. 太飽, 唔食粉了, 先叫兩款小食試試.蒜泥白肉 ($16): 白肉肥瘦比例約 3:2, 肥部分夠滑溜, 但始終片得稍厚, 一大舊肥油0趙0趙0趙感覺不太好; 瘦肉部分就唔夠鬆化, 食落頗硬. 橙色的油唔辣, 蒜粒勁多, 蒜味強烈之餘味道極鹹, 整體味道一般.口水雞 ($18): 我怕死, 只叫了「小辣」, 好香, 但原來唔辣又唔麻; 雞件就骨多過皮, 皮又多過肉, 其實無乜0野食, 不過雞肉幾嫩又有點雞味, 都 ok 的.紅油抄手 (「小食」份量 $19): 發覺前兩樣辣度只屬「幼稚園級」, 追加一份「中辣」的呢個試試. 豬肉餡抄手細細隻, size 似足 ravioli, 紅油底食落少少麻少少辣, 比涼菜的更香, 呢個幾好食.連一杯凍檸水 ($10) total 放低 $63, 有機會 (?) 再試試紅薯粉睇0下自己可以「升班」未吧.