Video
Read full review
2024-07-17
191 views
惡劣之極，第一次食評送比呢間餐廳🙌同同事A點咗兩款水餃，短頭髮阿姐出菜個陣嗌咗A嗰款水餃，我哋拎咗之後，過兩分鐘，再出水餃B比我。食食吓，開始發覺大家兩款調轉咗。於是同阿姐講出菜嗌錯咗次序，所以我哋拎錯咗，可唔可以換過份。回應精彩了：「你唔好屈我呀！明明係你哋自己調轉咗」（我哋三個人一定會一齊聽錯啦）「我無錯㗎，你哋自己搞翻掂佢」「食嗰幾十蚊野，又呢樣又嗰樣」呢個時候，有個唔知係咪女老闆嘅人出黎打圓場，話換過另一份啦，最緊要大家食得開心，又話自己間鋪開咗四十年啦，歷史好耐之類，以後繼續黎幫襯啦。至於短髮阿姐就繼續出佢其他菜。我哋係都息事寧人無特別講咩。但我真係覺得好離譜，好聲好氣咁講，有咩唔合理大家可以講道理討論，但對方即時反應係大聲串翻客人，而且語氣真係非常差！睇翻食評，發覺呢間舖態度差唔係單一例子，如果早睇咗知道，絕對唔會幫襯。寫呢個食評，除咗希望feedback翻比會預先上openrice搵灣仔野食的大家，仲希望店主睇到可以認真檢討一下員工嘅服務態度，please！ 野食方面，無乜特別，正常水餃味皮偏厚。不過好唔好食都好，態度差極倒米。
同同事A點咗兩款水餃，短頭髮阿姐出菜個陣嗌咗A嗰款水餃，我哋拎咗之後，過兩分鐘，再出水餃B比我。食食吓，開始發覺大家兩款調轉咗。於是同阿姐講出菜嗌錯咗次序，所以我哋拎錯咗，可唔可以換過份。回應精彩了：
「你唔好屈我呀！明明係你哋自己調轉咗」（我哋三個人一定會一齊聽錯啦）
「我無錯㗎，你哋自己搞翻掂佢」
「食嗰幾十蚊野，又呢樣又嗰樣」
呢個時候，有個唔知係咪女老闆嘅人出黎打圓場，話換過另一份啦，最緊要大家食得開心，又話自己間鋪開咗四十年啦，歷史好耐之類，以後繼續黎幫襯啦。至於短髮阿姐就繼續出佢其他菜。我哋係都息事寧人無特別講咩。
但我真係覺得好離譜，好聲好氣咁講，有咩唔合理大家可以講道理討論，但對方即時反應係大聲串翻客人，而且語氣真係非常差！睇翻食評，發覺呢間舖態度差唔係單一例子，如果早睇咗知道，絕對唔會幫襯。
寫呢個食評，除咗希望feedback翻比會預先上openrice搵灣仔野食的大家，仲希望店主睇到可以認真檢討一下員工嘅服務態度，please！
野食方面，無乜特別，正常水餃味皮偏厚。不過好唔好食都好，態度差極倒米。
Post