○de▽ 鯛白湯らーめん

Open Now

Now Closed

排左半個鐘頭，一入去坐低係bar枱已經聽到煮麵個位不停講粗口及色情用詞和旁邊的同事高談闊論；又不停怨天怨地，埋怨有其他客人投訴佢哋服務差，話自己冇收加一，要服務唔該去樓下座銀，覺得冇收錢都可以服務態度差？ 之後我成餐飯就不斷聽佢大聲話自己幾錢人工，可以供層萬八蚊既樓，極度騷擾。另一個淥麵既員工除咗不斷同上面個條友傾計之外，佢每次淥完個麵拎起fing乾啲麵既時候將啲水fing哂落我到，有次仲有條麵飛過嚟，同佢講又唔認人，淨係掛住傾計，極度過份。仲有間餐廳既經營手法好有問題，我排緊隊就要比埋錢先，你話我下一枱入去都算啦，我前面仲有十幾個人你都要收我錢先，仲要乜都賣晒，但入到去上述個兩條友又自爆其實仲有貨。總之極度不滿，冇下次。