正品蕃茄湯麵店

Open Now

Now Closed

以前食過呢間餐廳幾次，覺得蕃茄湯幾濃、食物質素不錯，今日經過附近所以想再食多次。入到餐廳見2位操鄉音女員工正在工作，我同老公自動自覺填表、搓手等（未有任何量體溫儀器），見員工有望過我哋幾次，但等咗陣都未見有任何招呼，又唔講等等/ 埋去坐🌝 令我哋企在門口唔敢埋位坐。之後員工久久唔幫手落單，我哋落單要個腐皮蕃茄湯麵時佢大聲問咩湯底（見圖係蕃茄湯），我哋答：唔係蕃茄湯來咩？個樓面就大力指住兼大大聲勁惡問：咩湯底？？我哋當然答係蕃茄湯啦。跟住再落野飲，明明叫「凍柚子蜜」，佢仲答多3次要凍定熱？態度又惡劣，嗌完一野拔走個餐牌去。就算啲食物質素唔差，但服務態度可否正常少少？無得罪你下嘛？最後埋單樓面仍黑口黑面，一句說話都唔講，收完錢就算。