正品蕃茄湯麵店

Open Now

Now Closed

希望大家如果想食嘅人見到可以死咗條心 望周知大熱天時沒有冷氣 得幾把風扇 頭1分鐘都未知出事 叫咗食物之後先知中伏 環境差 服務差 （唔係得我一個講 前面全部食評都一樣😂）食物普通 屋企煮到嘅食物質素熱到完全無法進食 空氣極不流通 衰過喺戶外進食😂想俾錢買難受可以試吓

當日有3個大媽員工 食緊野途中有其他食客問可唔可以俾八達通 其中一個員工話可以 我同屋企人食完lunch後 問係咪俾得八達通 點知話唔得 只可俾現金 仲要黑面 呢間野貼錢買難受 呢次係最後一次亦不會有第二次幫襯 員工幫手趕客

I vow to never visit again. Terrible service. I’ve got yelled at by the same woman twice in different occasions. Both times I order take out. First time she accused me for not paying after I paid her colleague. I had to ask her if she needed to check the CCTV. Second time I thought to avoid the same situation I order through food delivery app. She refused to read the order number from my phone, when I accidentally said the wrong number she accused me again that I was stealing someone else’s orde

我老公想食好耐，因為知我有左後好鐘意食蕃茄。今日終於有機會食。店舖細細地，舊舊地，都幾汙糟下。食物選擇都算多同比較有新意。蒜香辣雞蕃茄酸湯麵 - 蒜香辣雞都幾唔錯，夠味，蕃茄酸湯夠酸，蕃茄麵幾唔錯。隊長肉餅蕃茄湯麵 - 有2大塊肉餅仲要勁大塊，不過個麵底唔知點解勁細餅，所以要加底。但原味湯底係最好食。

幫襯左好多年，中意食蕃茄，但而家唔會再去，收銀態度極差，我比八達通，佢部機企左3分鐘都未load倒，都唔緊要，仲要西口西面，到我俾左後，打算走時，佢喝住我話佢部機未顯示收咗錢，你唔好走住，係喝我，真係好嬲，咁嘅態度，唔怪得越來越無客，老闆，如果你睇到呢篇文，真係要認真改善，香港小店就係比呢啲人累死

1月1號朝頭早見佢冇乜人靜靜地，入去試吓佢嘅所謂招牌蕃茄湯底。入去剛坐下來女侍應就黑口黑面咁楝咗係側邊問食乜，又冇餐牌睇，我講唔出點乜，佢就指住好遠處埲牆啲餐牌。又冇清水。總而言之，個女侍應好似同我有仇咁超級黑口黑面。食物完全冇特別，番茄湯底淡，多士有少許林，炒蛋完全overcooked 。我見到佢哋好似有兩部電子收費嘅機頭，但黑面神話找數淨係收現金，唔知係壞咗定乜。總括𠵱次係很差的經驗，唔怪得知佢拍烏蠅，俾錢幫襯佢仲好似欠咗佢咁，下次千祈唔好幫襯佢！！如果香港其他食肆係咁就大鑊啦！😡

呢間鋪頭位置比較隱閉但日日都好多人幫襯佢主打係蕃茄面，蕃茄湯我中意食肉餅/墨魚餅蕃茄面湯就隨心睇下果日想飲咩口味隊長肉餅芹菜湯蕃茄面:肉餅份量好大塊好抵食而且味道幾好食感覺有少少家鄉的味道不過佢係煎出黎既，所以略為多油蕃茄面係橙橙地色既口感彈牙唔知係咪鋪頭自己整既有時外賣浸湯耐少少佢都仲qq地芹菜湯底會比較清叫芹菜湯我會飲埋佢因為個湯幾多蕃茄，應該唔係味精煮出黎不過留意返鋪頭只收現金如果冇現金佢冇其他收款方法

蕃茄墨魚餅麵是一道獨特的料理，結合了鮮甜的蕃茄和濃郁的墨魚餅，帶來了令人驚喜的口味組合。這道菜品融合了地中海和亞洲風味，給人一種美食冒險的感覺。當蕃茄墨魚餅麵端到我面前時，我立刻被它的外觀所吸引。鮮紅色的蕃茄湯底搭配著黑色的墨魚餅和白色的麵條，形成了一幅鮮明的色彩對比。菜品上還點綴著一些香草和蔬菜，增添了視覺上的層次感。整體而言，外觀非常誘人，讓人迫不及待地想要品嚐。蕃茄墨魚餅麵散發著濃郁的香氣，讓人垂涎欲滴。蕃茄湯底散發出成熟蕃茄的甜味和微妙的酸味，而墨魚餅則釋放出淡淡的海洋香氣。整個碗裡彌漫著這種引人入勝的香氣，讓人迫不及待地想要開始品嚐。我舉起湯匙，試了一口蕃茄墨魚餅麵，口感讓我驚艷不已。麵條彈牙有嚼勁，墨魚餅則柔軟且多汁。蕃茄湯底濃稠順滑，充滿了蕃茄的鮮甜味道，和墨魚餅的鮮味完美融合。整體而言，口感豐富而令人滿足。蕃茄墨魚餅麵以其獨特的組合和豐富的滋味，讓我感到十分滿足。這道料理不僅擁有誘人的香氣，還有彈牙的麵條和鮮嫩多汁的墨魚餅。蕃茄湯底的鮮甜和墨魚餅的鮮味相輔相成，每一口都帶來美味的享受。蕃茄墨魚餅麵是一道獨特而令人驚喜的美食冒險。它融合了鮮甜的蕃茄和濃郁的墨魚餅，給人帶來

因為好鍾意食蕃茄湯底，所以成日幫襯，以前食得好開心，但自從有個女職員加入咗（聽講好似係老闆娘）佢成日喺間餐廳度向下屬咆哮，食食吓真係俾佢嚇一跳，服務態度又地獄級差，成日扮睇你唔到，最大獲係竟然大聲鬧我！我係客人嚟㗎，唔係你啲下屬呀！🙄🙄真係貼錢買難受 我欣賞你哋嘅美食，先成日幫襯（不過都唔係佢功勞，佢只不過係嚟幫手趕客）真係谷鬼氣！我平時就係對佢太友善，所以揀我嚟蝦……

我話晒都係半個荃灣友。之前經過見到呢間蕃茄湯麵店好多次，但由於唔太起眼，門口吾就腳所以冇入去幫襯。尋日睇到新假期介紹香港既蕃茄麵店，呢間榜上有名，今日就去試吓。星期日下午2:30開始有下午茶，叫左個香烤雞扒配香芹蕃茄湯麵，麵條要蕃茄麵（仲有米線、通粉同公仔麵揀，但黎得當然試蕃茄麵），跟餐飲就點左熱奶茶。個蕃茄麵嘅麵條帶微紅顏色，食落有淡淡的蕃茄味，湯底都有好多煮到半溶既蕃茄同香芹粒，湯底清新吾會太咸8/10而香烤雞扒味道都唔錯，淋身吾乾身，如果多烤一陣，迫多啲雞油出嚟仲更加好。雖然我就吾食雞皮，但而家好多人講究健康。7/10奶茶就正常。6/10整體感覺唔錯，但街坊小店唔好對服務或裝修有五星要求。有朋友介紹墨魚餅蕃茄麵都吾錯，有機會都會試下

你願意為一碗蕃茄米線跑多遠？🍜今天聽朋友介紹，從香港到跑到荃灣，就為了這碗蕃茄湯米線，結果... 真的很好吃！🔺 蒜香辣雞肉湯米線--香茜蕃茄湯 ($48)硬度適中的米線加上鮮甜的芹菜番茄湯，還有麻辣雞肉的配搭，👧🏻二話不說便吃光了整碗米線😋回頭率：🌕🌕🌕🌕🌕🔺 蔥油燒雞扒飯 ($53)👦🏻做完gym，點了一個燒雞扒飯補充體力，兩塊雞扒又大又香，再追加幾塊麻辣雞肉(+$6)，蔥油飯配上辣油，十分搭配和惹味🍖回頭率：🌕🌕🌕🌕🌗

有一段時間冇嚟呢間舖頭，估唔到今次真係換來一個極差嘅經驗。一坐低想叫嘢食，個資深職員/店長已經叫個淺歷職員「唔使行過去」，暗示叫我大聲落單。Fine。咁我照大聲落單，其實心入邊已經諗緊「如果有啲人喉嚨唔舒服咁點算？同埋行幾步都咁難？點解要搞到自己間店好似街市咁？」落左單後，15分鐘內有野食，呢個ok。野食同野飲到左後，見到碗麵無湯匙，張枱上面個餐具盒又無湯匙，我張枱又無抽櫃。我諗係佢唔記得左比我？於是，我舉手講返想要杯水同個湯匙。個資深職員/店長望左我一眼，無出過聲就走過左⋯ 都唔緊要，我後尾見佢斟緊水，我就無再留意。杯水黎到之後，都係無湯匙⋯ 我於是截一截佢，同佢講差隻湯匙。佢已經癲左咁大叫「你咁多野要架！又唔一次過講！」，我已經無出聲，廢事嘈交啦，好冷靜咁望住佢。跟住，佢隨即拉開我隔離隔離張枱個抽屜（原來有抽屜，我個位置真係望唔到，天地良心）。佢拎左個湯匙出黎，繼續大叫，「呢到咪有湯匙囉！」，跟住我講緊「唔該」嘅時候，佢就將個湯匙掉落枱面，個湯匙係枱面「咚」後，滑行了一張枱嘅長度，撞到我碟雞扒後停低。佢掉完之後，頭也不回咁走左。呢個經驗真係差到爆。返工有情緒，點解要發落去客人到？真

噚日(9-1-2023 Mon)結婚紀念日同老公請假,買餸前食早餐,我哋經過冇乜人嘅呢間,我哋坐低睇完menu,決定要同樣$34.00嘅早餐:腸仔粒鮮茄湯通粉,炒蛋配烤多(半件),要熱檸水.同香煎雞扒番茄湯公仔麵,加$9.00要紅豆冰.冇耐,兩杯嘢飲嚟到.紅豆冰唔甜,奶水亦唔香濃.熱檸水正常冇問題.等咗好耐,成14分鐘,嘢食至到,究竟咩事?走剩我哋一枱客,咁普通嘅嘢都等咁耐,嘥時間.我嘅烤多士脆,但其實同普通多士有咩分別?蛋係全熟而且唔係炒又薄,唔juicy.腸仔粒有少少變味;番茄湯係ok嘅;通粉彈牙.我試咗老公嘅黑椒雞扒,佢係煎得脆.味道係3.25分,抵食係2.7分 上次食評係2017年4月8日刊登嘅呢篇: https://www.openrice.com/zh/hongkong/review/%E6%9C%89%E6%94%B9%E5%96%84-e2761027

下午茶餐嗌咗豬扒包、西多士同黑胡椒麻辣湯麵🍜坦白講，呢三樣都麻麻😓😓😓而且都好失望～豬扒包好大個，但啲豬扒有啲肥膩！西多士都係好一般，花生🥜醬嘅味道不太好

係荃灣住咗幾十年，都係第一次去呢間店。以為呢間舖係荃灣咁多年應該OK掛，點知道就中伏！番茄湯應該比較濃稠，味道鮮明突出，但係呢間店，唔單止湯似水一樣，味道不痛不癢，雞粉加番茄醬一樣。麵質更是敗筆！完全淡而無味，完全吸收唔到湯嘅味道。我點做一碗魚腐番茄湯麵，我老婆叫咗冬蔭公魚片湯麵，唉，乏善可陳，完全唔係自家製造而係外面買嘅魚片，魚腐。食嘅時候更令人覺得騷擾嘅就係應該係老闆嘅女人賣外賣一直拉高喉嚨叫喊！令人相當不安。麵已經難食，重要受到騷擾，真係冇下次。貼錢買難受！