Video
Read full review
2008-07-17
23 views
我一向去開謝斐道果間, 因為行街通常行果邊多, 比較就腳。謝斐道果間侍應以後生仔為主, 態度竟然非常之好, 唔好意思前、唔好意思後, 又細心, 又會主動介紹果日邊d 食物比較靚。今次咁岩行時代果邊, 決定試下利園山道呢間太興啦, 諗住點都唔會差太遠卦, 點知......唉...... 真係一肚火！真係唔知好嬲定好笑！呢間分店同謝斐道果間相距十萬九千里！呢度d 侍應以阿嬸為主, 人數已經唔夠, 得果兩個, 仲要好似有撞聾tim, 你話死唔死。最搞笑係我叫杯鮮忌廉紅豆冰, 個阿姐好似唔識字咁, 因為我正水吧隔離張枱,我張枱塊牆上面貼左張紅豆冰同咸檸七的貼紙, 阿姐竟然伸手指住張貼紙, 然後擰轉頭問個水吧師傅：「有冇呢一杯呀？呢杯呀... 呢一杯既隔離果杯呀！」我聽到真係唔知嬲好定笑好, 我大聲話係紅豆冰, 個阿姐仍然不停話「呢杯既隔離果杯」。呢個時候另外個阿姐經過, 同我講話冇雪碧, 所以冇咸檸七。我又一次大聲話紅豆冰,呢個阿姐好似聽唔到我講乜, 好激氣咁講：「都話冇雪碧, 所以冇咸檸七咯！」另外原先同我落單果個阿姐仲起度同緊個水吧師傅講緊「呢一杯既隔離果杯呀」,而後來經過果個阿姐佢仍然激
謝斐道果間侍應以後生仔為主, 態度竟然非常之好,
唔好意思前、唔好意思後, 又細心, 又會主動介紹果日邊d 食物比較靚。
今次咁岩行時代果邊, 決定試下利園山道呢間太興啦, 諗住點都唔會差太遠卦, 點知......
唉...... 真係一肚火！真係唔知好嬲定好笑！呢間分店同謝斐道果間相距十萬九千里！
呢度d 侍應以阿嬸為主, 人數已經唔夠, 得果兩個, 仲要好似有撞聾tim, 你話死唔死。
最搞笑係我叫杯鮮忌廉紅豆冰, 個阿姐好似唔識字咁, 因為我正水吧隔離張枱,
我張枱塊牆上面貼左張紅豆冰同咸檸七的貼紙, 阿姐竟然伸手指住張貼紙,
然後擰轉頭問個水吧師傅：「有冇呢一杯呀？呢杯呀... 呢一杯既隔離果杯呀！」
我聽到真係唔知嬲好定笑好, 我大聲話係紅豆冰, 個阿姐仍然不停話「呢杯既隔離果杯」。
呢個時候另外個阿姐經過, 同我講話冇雪碧, 所以冇咸檸七。我又一次大聲話紅豆冰,
呢個阿姐好似聽唔到我講乜, 好激氣咁講：「都話冇雪碧, 所以冇咸檸七咯！」
另外原先同我落單果個阿姐仲起度同緊個水吧師傅講緊「呢一杯既隔離果杯呀」,
而後來經過果個阿姐佢仍然激動地重覆說：「冇雪碧, 所以冇咸檸七！」
呢兩個阿姐真係玩死我, 我立即話我飲湯, 然後拿拿林叫飯, 唔想再同佢地講。
我叫燒味雙拼飯, d 叉燒唔夠謝斐道果間靚, 有d 靭, 燒肉仲差, 皮唔算脆, 仲有d 硬,
d 肉仲靭到想死, 好似食緊香口膠咁, 越食越口攰。呢一間分店連食物質素都差過人。
我見議大家想食太興的話, 行多幾步去謝斐道果間, 我去過好多次, 服務每次都好好,
燒味質素一樣咁高, 冇話邊次差d, 座位又舒適好多, 千千萬萬唔好黎利園山道呢間！
Post