龍鳳冰室 (蘇杭街) (Closed)

伏到一個點…先係杯咖啡係我人生飲過最難飲嘅齋啡！真係難飲到不得了！由於朝早只係食咗兩隻蛋&一個奇異果，已經超肚餓，但又唔可以食太飽，然後睇中個下午茶望落似有兩條腸仔就點咗個六寶（走蟹柳）諗住食上面D餸，點知嚟到我食緊串雞嘅時候發現腸仔唔見咗變咗兩片司華力腸，大佬呀！我唔食司華力腸，你無腸仔係咪要講聲我知先？！話補一塊午餐肉比我，我都唔想食午餐肉！份炒蛋又明顯得一半，豬頸肉兩片比我的尾指還要小！個撈麵淋到一夾就斷！個明星仔退股後真係越做越差！