泰媽媽雞飯 (創紀之城五期(apm)) (Closed)

係觀塘想食個快飯，見到APM有呢間價錢嘅經濟嘅「泰媽媽雞飯」🐔，卡通插畫裝修又幾啱我呢啲年輕人🤪。餐廳位置就係得門口側邊範圍，再入去係隔離泰式餐廳。餐牌選擇唔多，揀好食咩就出去收銀枱落單俾錢，之後會有人送餐🆗，清水就係自助吧斟。————————————————👅泰式鹵水豬手配白飯（$55）🔸 豬皮欠膠口，瘦肉較結實，未滷到軟冧冧嗰種，而且滷汁淡味🤥，豆腐滷得唔入味，白飯偏乾身，汁又唔夠送飯。真係一個字，乾！👅無骨海南雞配油飯（$65）🔸標榜選用特選青遠雞，單食有雞味，不過就比較瘦，無坊間海南雞有一層啫喱🤔，肉質尚算合格🔸再食一啖油飯，香氣充足，有油潤感又不過於油膩。跟餐有蠔油汁芥蘭，有肉有菜都係65蚊，算係咁啦⋯———————————————— 🚩總結：呢位媽媽煮餸麻麻地👩🏻———————————————— 🌟注意：只收八達通或現金，無加一服務費————————————————📍 泰媽媽雞飯地址：觀塘觀塘道418號創紀之城五期(apm)4樓2號舖.🗺地區：#bem觀塘📥分類：#bem亞洲菜💰人均消費：#bem_51至100蚊