初心冰室 (Closed)

小的係附近返工，閒時返工放工都會出街食午飯晚飯。之前經過見到佢地餐牌已經有興趣，今日本身食開個間收左爐就去呢間試下啦。我叫左個 $52 芝士焗蘑菇三文魚飯（本身想意粉既，點知落單個陣侍應無問，我又唔記得講就算啦）。送湯同野飲，呢啲都大同小異無咩特別唔講。個飯黎到我真係無晒食慾，其實賣相係無問題，但係啲三文魚得3-4粒（好似出面食小販和牛粒個隻size)，蘑菇都係得3片，白汁面係有芝士可以拉絲既。啲飯有蛋碎但我覺得似撈唔似炒，因為啲飯完全無味。跟住啲侍應不停大聲傾計講今晚不如一齊去花市，其實傾計無咩問題不過我唔想知😂可唔可以細聲啲🤫總結：食物質質同服務都好一般，可以揀其他。