食味道小廚

Open Now

Now Closed

大人呢晚話請食飯，甘我當然就二話不說碌碌碌過去。大人話：「你想食咩就叫啦！」甘作為一個可以一口氣鯨吞十幾件煎釀三寶作為snack的我，無理由唔叫我的至愛。我話：「我要食煎釀三......」(我話都未講完) ，大人：「食返d有菜有肉果d餸! 再甘食落去唔會長到肉」 雖然唔係好明大人的邏輯理論，佢請客即係boss，我唯有叫返d有「肉有菜」的「肉片炒菜心」、(踩下大人底線的) 「魚香茄子煲」、「沙薑雞腳」，仲有黑啤。老老實實，黑啤同中菜真係幾夾，而佢碟咸脆花生話時話又幾好食。呢個就係大人要求的「有菜有肉」餸，肉片肉味唔太濃，好淡味，少少鞋身，反而個菜就有菜心甜味，亦好「淋」，唔會死硬，整個菜味道係屬於甜底(有d餐廳係咸底)，我幾喜歡。「沙薑雞腳」上枱時微溫，仲有少少炒香白芝麻鋪面，亦好香沙薑味，咬落「淋」中帶「爽」，雞腳掌心位置唔算好多肉果種，骨感比較重，送酒一流。後來凍左，都唔太乾身，算唔錯。呢個「魚香茄子煲」幾好，唔會死咸 (有d餐廳會落蝦醬，呢度無落，我就比較喜歡)，茄子係炸完再落煲，充滿油份，岩要增磅我的，肉碎亦夠多同惹味，撈飯真係一流。加埋白飯，2個人食左$207，好飽，好滿足。呢