魚蛋哥

Open Now

Now Closed

今日為食蟲作動，於是畀個機會呢間上次中伏嘅食店，叫嘅當然唔係上次嘅魚肉碗仔翅以三樣啦！而係魚肉燒賣，以及蘿蔔魚蛋豬皮，呢次無中伏，仲好好食添。魚肉燒賣，賣相唔掂，咬落有啲硬，但勝在有魚味。蘿蔔魚蛋豬皮，魚蛋有辣同唔辣可以選擇，我揀咗辣嘅，佢唔係陳皮魚蛋，只係普通嘅魚蛋，以一個唔食得辣嘅人嚟講，佢辣度好夠，但同街市買嘅魚蛋一樣，唔好諗住會有魚味，得個爽同彈牙。豬皮厚身爽口夠味道，佢唔係用雜貨舖買到嘅油泡豬皮，而且有用調味料燜煮過，唔係好似有啲舖頭咁白烚。蘿蔔，呢個係最正，清甜無渣，超好食。合共$38，呢個價錢起旺角亞皆老街，近朗豪坊，算係合理。