JUST'er Bar & Restaurant

Open Now

Now Closed

假日相約攝影朋友外出四處影相打卡, 六點開始覺得肚餓, 走過山林道一帶行咗個圈, 最後入咗呢間小小內以霓虹燈做裝飾嘅餐廳食dinner。呢間西餐廳除了特飲, 仲有wine list選擇。我地揀咁幾款share試試。牛油果大蝦黑醋沙律 HK$108兩隻原隻大蝦被烤煎過, 大蝦冇痴殼, 而且肉質爽甜彈牙, 墊底有半個好林嘅牛油果份量切片, 同埋沙律菜, 加上了少少酸尾尾黑醋, 開開胃。黑松露牛肝醬卡邦尼意粉 HK$77有大量黑松露, 撈埋一齊食, creamy多汁, 黑松露同菇菌味突出, 有些少煙肉碎, 好味推介!焗多汁豬仔骨配啤酒薯條 HK$138豬仔骨表面掃上甜甜蜜汁, 焗得表面帶有焦香, 肉質keep到粉嫩多汁唔會太硬; 至於啤酒薯條都食唔出有啤酒味, 反而喜歡呢種爆脆口感。星爆氣流斬改EX HK$45粉藍色波子汽水面層加咗cream, 令普通一杯波子汽水賣相生色一點, 夠汽解渴。Cookies Smoothie HK$47稍嫌呢個價錢細杯咗d, 奶味較為突出, 飲到oreo碎粉。