Video
Read full review
2010-01-17
27 views
平時行過地鐵個d美心西餅, 真係focus賣西餅.賣個d面包唔係幾好食, 至少比街坊個d面包鋪唔好味~今日行過呢間美心西餅, 發現入面好大, 有好多款面包放係到...感覺上似返真係賣面包既鋪頭 (如山x面包, ax bakery, citysuper入面個d)~見到好多款, 款款都好靚好好味咁, 所以就買左4款:cheese & ham burger ($6.5)呢個比cheese burger ($7) 仲要平. 但唔知點解.呢個包好得意. 係成個都係english muffin黎既, 但冇開口架喎~即係一開始個包已經包住ham同埋d cheese. 一咬落去, 就會見到塊ham俾人fold左2次咁放係入面~反而d芝士味較淡. 唔係好食到.個size都ok大, 同個價錢成正比~菠蘿叉燒包 ($7)點解買呢個?係因為鋪頭既推介之一.美心將個包切開一半做display.個菠蘿皮好拱. 雖然已經出左爐一段時間 (因為都唔熱喇~), 但個皮都冇塌. 好野!入面個叉燒餡好夠味, 同埋都幾多下 (completely冇expect到佢會有咁多叉燒!!!).好抵! 果然係推介品!拿破侖三文治 (唔
賣個d面包唔係幾好食, 至少比街坊個d面包鋪唔好味~
今日行過呢間美心西餅, 發現入面好大, 有好多款面包放係到...
感覺上似返真係賣面包既鋪頭 (如山x面包, ax bakery, citysuper入面個d)~
見到好多款, 款款都好靚好好味咁, 所以就買左4款:
cheese & ham burger ($6.5)
呢個比cheese burger ($7) 仲要平. 但唔知點解.
呢個包好得意. 係成個都係english muffin黎既, 但冇開口架喎~
即係一開始個包已經包住ham同埋d cheese.
一咬落去, 就會見到塊ham俾人fold左2次咁放係入面~
反而d芝士味較淡. 唔係好食到.
個size都ok大, 同個價錢成正比~
菠蘿叉燒包 ($7)
點解買呢個?
係因為鋪頭既推介之一.
美心將個包切開一半做display.
個菠蘿皮好拱. 雖然已經出左爐一段時間 (因為都唔熱喇~), 但個皮都冇塌. 好野!
入面個叉燒餡好夠味, 同埋都幾多下 (completely冇expect到佢會有咁多叉燒!!!).
好抵! 果然係推介品!
拿破侖三文治 (唔記得幾錢~)
我一入去就俾呢個包吸引!
因為佢話係三文治, 但明明係蛋糕黎架喎...
咁, 咪即係蛋糕餡加個酥皮包住?! 咁正?!
買個試下啦!
嘩, 食落去好得意. 個蛋糕都實下. 中間有d好薄既生果片 (好似係桃, 但唔sure) 係d蛋糕到~
個酥皮唔係好酥, 因為冇flakes由個包跌落黎~
個texture好搞野. 真係要試下!!!
芝士條 (又唔記得幾錢~)
去到鋪, 嘩! 有勁多好大條既芝士條放係到. 勁想買.
個芝士條上面又勁多芝士, 好似好好味.
再加上有個牌, 寫住係一個改良版.
忍唔到喇! 所以走去買!
好味, 好芝士, 上面既芝士好脆~
下面既面包好軟, 好夾既組合啊!!!
呢間美心西餅, 好唔同.
唔知美心西餅仲有冇好似呢間咁樣既分店呢?
因為真係好正!
Post
