茶A (Closed)

經過粉嶺名都見到新開咗兩間食店，其中一間叫 「茶A」，個名幾得意，裝修幾靚幾光猛，就入咗去試吓。點咗2個下午茶餐 + 1個常餐：☕️ 菠蘿油餐菠蘿包外脆內軟，甜度剛剛好，鮮油入口即溶，好濃牛油香，好味！好耐無飲過紅豆冰。紅豆夠軟身，不會太甜，不錯。🍜 XO醬豬扒炒公仔麵公仔麵炒到好香好惹味，軟硬度剛好。豬扒好軟，煎到好香，呢個下次我會encore。🍴蔥油豬軟骨撈公仔麵 配 火腿奄列+牛油多士牛油焗得幾脆，牛油都塗得均勻，唔錯！最怕塊包「白雪雪」或者塗到一半有一半無。「蔥油撈公仔麵」真係好香好惹味，豬軟骨夠入味，而且份量幾多，不過公仔麵反而係靈魂，彈牙又唔會太硬，撈埋蔥油食，好正👍🏻！常餐有3款，全日都可以食到，下次想試埋另外2款。