B.Duck Cafe (Closed)

今次試既係主題餐廳-B Duck。基於之前試既主題餐廳，大部分都係得個樣，味道好麻麻，但呢間算係打破我對主題餐廳既想法。講真鋪頭位置唔大，絕對唔多適合一大班朋友去食，我發現形點1有幾間都係商場food court形式咁。不得不提服務態度，好貼心，送佐唔少小禮物丫，而且會推介你試咩菜式咁，最後我揀佐招牌火雞脾，3色飯團，咖哩飯同埋1杯朱古力，最後仲加佐個楊枝金露。講番味道先，首先上場既係飯團同咖哩飯，其實飯團3個都係一樣味道，只係一個淋上蟹子一個淋上紫菜碎一個原味咁解，味道都幾好既；到咖哩飯，呢個好食，同出面食既唔差得去邊，而且造型可愛；到最後上既係火雞脾，哇，原來真係好大隻既，但有樣野真係好負評...就係唔記得俾手套我地，搞到真係唔知點食好，得刀叉....仲要好脆好硬，估唔到呢隻火雞脾勁多筋，搞到搞佐好耐...最可憐係見到之後既人個個都有手套...都幾sad既，個火雞脾仲有份薯條同有b duck樣既餅仔一塊，個薯條不過不失啦，至於塊餅仔都幾難食...。講番野飲杯朱古力好香丫又唔太甜，推介😋最後就係甜品啦，唔...同福圖唔似既d色，算啦，仲以為會有埋隔離個橙色汁淋落去，點知係冇既...呢