至尊重慶雞煲 (創興廣場)

Open Now

Now Closed

呢間雞煲 真係超好食， 我哋食過十幾次， 嘗試過 咁多雞煲呢間係最好食而且最抵食， 百零蚊一個餐， 食完雞煲又有打邊爐， 不過佢打邊爐嘅嘢就普普通通， 我諗上得嚟係為咗佢個雞煲 佢啲雞， 佢哋呢度啲 三黃雞 有質感， 唔係出面啲冰鮮雞啲肉又淋又妹， 真係彈牙 新鮮， 而且啲雞有雞味， 醬汁先係靈魂嘅精髓， 不過每次食完都會好口渴， 所以 我諗佢啲味精都勁， 不過 你食過一次你返唔到轉頭，好似上癮咁， 我同阿仔今次去 叫咗個 中價餐， 因為啲牛肉冇咁肥 而且佢 每人加廿蚊仲可以加雞一次 老實講 我哋 加完 一次雞已經飽， 係咁以叫咗少少 打邊爐嘅嘢 ，飲多幾罐汽水食埋佢啲雪糕 可以買單 佢另外有啲大大隻 自己包嘅餃子， 又係好好食， 佢仲有個雞腳小食， 又係好食到飛起， 我都食咗四隻雞 腳 專登影相， 鍾意食雞嘅人真係唔好諗， 兩舊水 食到你飽飽， 仲可以打邊爐 ， 汽水雪糕任食。 不過有陣時叫嘅嘢佢都唔會出曬， 好似我哋啲魚皮叫咗三次先有， 佛系式打邊爐係ok， 如果唔係都嬲嬲地。