尋味

Open Now

Now Closed

今日去咗大圍行山，夜晚就已經唔想返屋企煮飯，喺附近同朋友搵咗呢一間小店，補充番啲卡路里！由於天氣實在太熱，餐廳隨即送上一個前菜開一開胃口，呢一份涼拌蓮藕白醋同糖嘅比例非常合適，唔會過酸，蓮藕口感爽脆。先叫咗養生煲胡椒豬肚雞，胡椒味都幾重，雞肉尚算嫩，湯底相當濃郁，而且啲料都幾多，當然亦少不免要叫返一碟肉。朋友揀咗安格斯肥牛，嚟到一大份都幾多，肥瘦平均，肉味香濃，碌兩碌就食得～亦都因為行完山嘅關係，特別口渴，所以亦都叫咗一杯招牌鴨屎香檸檬茶，飲落清涼清爽，茶味都幾清。