喇沙 (Closed)

愈0黎愈晏食lunch, 3:00pm 人在大角咀, 唔知點解「順腳」行了0黎大全街(真奇怪, 明明行緊去「魚魚魚魚」0架喎...?), 見到呢間Openrice 人氣店, 仲見到有tea menu, 就0黎試試佢的喇沙. 叫了個「海鮮(咖喱)喇沙」($28), 加個「特飲」-- (熱)馬來亞拉茶(加$2).先0黎喇沙, 賣相都幾似樣, 湯底微辣, 好香椰味亦鮮味, 好味! 米線夠晒索汁, 好在食落唔係腍bad bad, 唔錯; 配料有豆卜, 一隻蝦, 一塊魷魚, 魚蛋, 魚片同芽菜, 亦同坊間好多食店一樣, 獨欠鰤魽... 咁多樣以魚蛋, 魚片同魷魚最好食, 魚蛋魚片彈牙有魚味, 魷魚亦鮮味, 唔似得坊間的「擦膠魷」; 豆卜芽菜一般, 隻蝦就係敗筆, 唔夠新鮮, 不過好在肉質唔霉的. 整體味道唔錯, 不過都係0個句, 如果有埋鰤魽就好了!熱拉茶其實即係奶茶, 面頭起晒泡, 味道同香港人飲的「茶走」差不多, 質感都幾滑, 唔錯.鋪入面好乾淨又光猛, 環境ok; 招呼幾好, 店員們好有禮貌又attentive!一向對喇沙無乜研究, so far 0係香港亦只係食過呢度, 上環加東,