味道樂居酒屋 (元州街) (Closed)

大家都知長沙灣同荔枝角好多平民小店，週末我哋去咗味道樂，尖沙咀店就食過幾次，覺得味道裝修都唔錯，所以就試吓長沙灣分店啦。星期六嘅12點幾度去到，已經掛滿咗聖誕嘅裝飾同佈置，加上日系小和風，環境唔錯㗎😬！12點至2點45，有午餐🍱set lunch ，哇，週末都有午市套餐，性價比好高呀！有麵豉湯同沙律，而且勁多選擇啊，有28款揀。我哋叫咗魚生飯，香蔥吞拿魚蓉帆立貝丼，呢度嘅刺身丼真係幾抵食！價錢相宜，份量十足，唔錯👍🏼好新鮮，有三件帶子，好多吞拿魚蓉，壽司飯同醋嘅比例好均勻！帶子好清新爽口，吞拿魚蓉軟綿綿入口即溶。另一個餐嗌咗香煎鵝肝野菌石鍋飯，呢個超有驚喜呀，香煎鵝肝香油脂味😍，一試難忘，回頭率極高，下次要再食！must eat item 🥰🥰，配上石鍋飯，暖笠笠啱晒冬天或者慶祝聖誕節，感覺好有氣氛，暖入心。