Video
Read full review
2022-09-25
461 views
仍未諗住飛既我，週末既節目，自然就是同朋友去嘆個Weekend Brunch。 今云到訪的Ask for Alonzo，位於上環的必烈者士街，在熱到hihi既日子，從港鐵站爬上來，係一種意志既鍛鍊。或者大家可以搭的士前往的。 店子門外有數個位置，可讓客人帶埋狗狗來用餐，家陣愈來愈多類似的食肆了。 大汁疊細汗，有理無理先叫杯嘢飲，大啖呷幾口清爽冰凍的Lemonade，此時此刻，無比受用。 很多朋友食Weekend Brunch都是為了free flow，放心，呢度都有。$198就可以兩小時內任飲意大利汽酒、紅白酒、啤酒，甚或Vodka和Gin。 頭盤唔使揀的，有數量食品給大家些牙食，份量超巨大。雞蛋多士可選炒蛋、煎蛋等做法，配以酸種包，好吃但份量太大，我要留肚。風乾火腿及莎樂美腸，配上汽酒或白酒，絕對是大好星期天的必備配搭。芝士會不時轉款，淡味至濃郁，但是日的都合我心水。 炸魷魚香脆而口感柔軟，愛香口嘢既筆者表示滿意。肉丸好鬼大粒，食完呢個頭盤，真係飽左一半。 意粉有幾款揀，不過我哋一行四人，就可以掃餐牌。蕃茄羅勒意粉好有驚喜，意粉口感好，唔怕軟爬爬，味道天然，滲出微微辣勁
仍未諗住飛既我，週末既節目，自然就是同朋友去嘆個Weekend Brunch。
今云到訪的Ask for Alonzo，位於上環的必烈者士街，在熱到hihi既日子，從港鐵站爬上來，係一種意志既鍛鍊。或者大家可以搭的士前往的。
店子門外有數個位置，可讓客人帶埋狗狗來用餐，家陣愈來愈多類似的食肆了。
大汁疊細汗，有理無理先叫杯嘢飲，大啖呷幾口清爽冰凍的Lemonade，此時此刻，無比受用。
很多朋友食Weekend Brunch都是為了free flow，放心，呢度都有。$198就可以兩小時內任飲意大利汽酒、紅白酒、啤酒，甚或Vodka和Gin。
頭盤唔使揀的，有數量食品給大家些牙食，份量超巨大。雞蛋多士可選炒蛋、煎蛋等做法，配以酸種包，好吃但份量太大，我要留肚。風乾火腿及莎樂美腸，配上汽酒或白酒，絕對是大好星期天的必備配搭。芝士會不時轉款，淡味至濃郁，但是日的都合我心水。
炸魷魚香脆而口感柔軟，愛香口嘢既筆者表示滿意。肉丸好鬼大粒，食完呢個頭盤，真係飽左一半。
意粉有幾款揀，不過我哋一行四人，就可以掃餐牌。蕃茄羅勒意粉好有驚喜，意粉口感好，唔怕軟爬爬，味道天然，滲出微微辣勁，蠻開胃。
之後的白酒蜆肉意粉，香氣溢出，蜆肉亦鮮美，不是一般貨色。
Carbonara面頭加隻煎蛋，讓美味升溫。味道一樣濃郁好吃，不同的是以羅馬風乾豬面頰肉，取化傳統之Pancetta煙肉，但效果沒有遜色。
松露磨菇意粉的濃郁味道不下於卡邦尼，要讚的是汁醬香濃而不覺得膩，加上我喜愛的磨菇，不錯吃。
吃完意粉都飽得八八九九，但主菜配在才上場呀！Alonzo Milanese，正是我喜愛的，薄身又酥脆的豬扒，頂頭的火箭菜及車厘茄，也正好作中和之用。當然，旁邊的薯條，也不是配角。
煎魚所用上的，是紅鲷。皮香肉嫩，沒腥味，是預期中的水準。
第三款主菜，係香烤松子時蔬，露筍、三色椒、菇菌等烤得香口也自然美味，松子的出現，更是錦上添花。
慰藉甜胃的白朱古力意式奶凍，香軟細滑甜美，旁邊酸甜酸甜的夥莓糖漿，恰好來個平衡，有料到。
喜歡吃乳酪既筆者，對Morning Gloria自然有好感。
邪惡的多士最後出場，金黃色澤好吸引，軟熟口感，是再飽也要多吃兩啖的東西。
呢個早午餐，可以食到五點，歡迎大家慢慢嘆。
Post
