御名園 (Closed)

趁週末來到將軍澳南逛逛、海邊的西餐廳已經試過、今晚就去左天晉匯一樓食中菜。上網見到好多人介紹呢間點心放題、一直想試下、今次夜晚來到都幾多人食晚飯。今日燉湯係瑤柱茶樹菇燉唐排，原來茶樹菇燉湯係咁甜、仲有健脾滋潤之效。小菜選擇幾多、仲有好多精選特價海鮮小菜可以點、見龍蝦有特價，我地叫左隻細嘅試下。 細嘅都有斤半重、份量比想像中大、新鮮肉質爽口、跟上湯煮唔會太膩、伊麵都好好味。兩個人來吃海鮮餐都幾抵。另外叫左兩隻蟶子試下、超大隻、金銀蒜撈飯好正😍而家好少酒樓仲有官燕食，佢嘅養顏官燕足足有三両官燕咁多、以冰糖、杏汁、椰汁燉、滋陰養顏。好豐富滿足的一餐～