士林棧 (Closed)

今日到大角咀食楊春麵，呢間麵鋪裝修都嘅懷舊，坐位舒適。我試左個士林古早牛展楊春麵，加桂圓紅棗茶。香濃撲鼻嘅牛展麵好快送上。牛展肉厚味濃，牛展雖然厚，但入口即溶，好軟同出面食完全唔同。楊春麵有口感，爽口微彈。湯低清甜不油膩。紅棗茶好甜，好有紅棗味。都幾好飲。另外我朋友叫左五味炸雞扒飯，呢個飯要比D時間，因為即炸，金黃色雞扒上加上鹽和辣味粉，側邊加有酸甜辣醬，當你放入外脆內軟嘅雞扒在口中時，你會慢慢感覺到有甜酸辣鹹味道出來。果然係五味雞。另外個飯都好特別，係菜飯加番茄汁，飯軟菜爽口再添小小汁來食，特別滋味。