Video
Read full review
2022-06-26
885 views
往年6月都一定出走外遊，喺繼續無得飛嘅情況下，唯有搵d外地特色食肆暫時滿足吓。睇朋友IG，決定揀蘇媽·蘇媽，唔只係馬來西亞食物，連裝修都有極濃馬拉嘅味道，當飛左轉馬來西亞都好。😄 🍲檳城白咖哩麵 $62🤣🤣朋友笑我話似車仔麵，其實係舊豬紅影響左啫。豬紅幾爽彈，搭配白咖哩都幾夾；最彈牙係粒白魚蛋，大大粒，咬落真係好有回彈力；豆角、芽菜都處理得唔錯，唔會煮到太腍，脆口翠綠。桔仔話梅水 $35 (跟麵$28)感覺返晒嚟，每次去星馬都一定每日一杯，呢杯味道同喺果邊飲有8成相似，再酸d就更啱我口味。椰香咖央多士$35呢個真係好一定要叫，首先烘得非常脆口，即使因為我食麵食得慢左，以至擺耐左先食，但依然香脆，而夾心嘅椰香咖央甜度啱啱好，又夠多👍👍 抹茶榴槤糯米磁 (餐牌真係用呢個磁🤭 $65)驚喜係糯米糍係暖身嘅，應該係即叫即做，用左抹茶做皮，淡淡嘅口味更襯托出榴槤嘅果香。榴槤餡大讚，咬開有少少爆漿效果，果味極香濃，甜甜嘅榴槤餡真係令榴槤控大滿足。 最後，環境、裝修、餐具絕對係我揀呢度嘅原因，極用心嘅佈置，對於要止痕嘅旅遊痴如我，的確可以有療瘉嘅作用，特別欣賞藍天白雲嘅天花板。☁️☁️
🍲檳城白咖哩麵 $62
🤣🤣朋友笑我話似車仔麵，其實係舊豬紅影響左啫。豬紅幾爽彈，搭配白咖哩都幾夾；最彈牙係粒白魚蛋，大大粒，咬落真係好有回彈力；豆角、芽菜都處理得唔錯，唔會煮到太腍，脆口翠綠。
桔仔話梅水 $35 (跟麵$28)
感覺返晒嚟，每次去星馬都一定每日一杯，呢杯味道同喺果邊飲有8成相似，再酸d就更啱我口味。
椰香咖央多士$35
呢個真係好一定要叫，首先烘得非常脆口，即使因為我食麵食得慢左，以至擺耐左先食，但依然香脆，而夾心嘅椰香咖央甜度啱啱好，又夠多👍👍
椰香咖央多士
8 views
0 likes
0 comments
抹茶榴槤糯米磁 (餐牌真係用呢個磁🤭 $65)
驚喜係糯米糍係暖身嘅，應該係即叫即做，用左抹茶做皮，淡淡嘅口味更襯托出榴槤嘅果香。榴槤餡大讚，咬開有少少爆漿效果，果味極香濃，甜甜嘅榴槤餡真係令榴槤控大滿足。
最後，環境、裝修、餐具絕對係我揀呢度嘅原因，極用心嘅佈置，對於要止痕嘅旅遊痴如我，的確可以有療瘉嘅作用，特別欣賞藍天白雲嘅天花板。☁️☁️
Post
