Video
Read full review
2019-07-03
648 views
放假同女朋友去新城市食晏，佢話想去飲茶，原來選擇唔多。如果高峰時期唔想等咁耐，明珠閣係個好選擇。餐廳唔係一般酒樓圓枱設計同充滿空間感，但員工有禮貌都可以令用餐體驗感覺良好。香煎素腐皮卷($38)。一上枱熱辣辣，入面餡料好足，有西芹，冬菇，蘿蔔等等。牛肉腸粉($46)。粉皮都算滑但略嫌太厚，又唔夠料。水晶菠菜餃($40)。出面好多酒樓都係菠菜多過蝦，係呢間係蝦多過菠菜，脹卜卜，大滿足。女朋友想食動物包但係唔知點揀，原來可以做個貪心鬼，一次過叫曬三款。三色手工包($42)。熊貓係紅豆蓉，足料又唔算太甜。黃色熊仔係流沙包，有好香鹹蛋黃味，大推! 豬仔係流心朱古力醬，最麻麻地係呢一款，同個包唔夾。食緊唔覺，之後發現好口渴，明顯落多咗味精。
餐廳唔係一般酒樓圓枱設計同充滿空間感，但員工有禮貌都可以令用餐體驗感覺良好。
香煎素腐皮卷($38)。一上枱熱辣辣，入面餡料好足，有西芹，冬菇，蘿蔔等等。
牛肉腸粉($46)。粉皮都算滑但略嫌太厚，又唔夠料。
水晶菠菜餃($40)。出面好多酒樓都係菠菜多過蝦，係呢間係蝦多過菠菜，脹卜卜，大滿足。
女朋友想食動物包但係唔知點揀，原來可以做個貪心鬼，一次過叫曬三款。
三色手工包($42)。熊貓係紅豆蓉，足料又唔算太甜。黃色熊仔係流沙包，有好香鹹蛋黃味，大推! 豬仔係流心朱古力醬，最麻麻地係呢一款，同個包唔夾。
食緊唔覺，之後發現好口渴，明顯落多咗味精。
Post
