幸福鳥 (太古城中心)

Open Now

Now Closed

今日放工肥妹仔約咗朋友去太古城食日本嘢，呢一間幸福鳥既環境同裝修都非常之精美，一貫日式餐廳充滿日本風情，坐得非常舒服。燒雞泡魚乾 燒雞泡魚乾外表燒到微暖同微脆，食落去充滿魚油嘅香味，一啲都唔柴同乾，食完口腔充滿鮮味，得！極上牛舌厚身嘅牛舌，食落去充滿牛香，油脂味極濃，肉質非常之軟熟，外表燒到微脆，食一口大滿足幸福鳥免治軟骨雞肉肥妹仔揀咗鹽燒同汁燒。鹽燒嗰款灑上少少海鹽，就咁食已經好香，雞肉肉質非常鮮嫩。汁燒配上日本新鮮生雞蛋，蛋黃香超濃，令到軟骨雞肉味道既層次更滑。汁燒原條九州槍魷魚魷魚燒完超香，肉質爽口彈牙，唔需要點任何醬汁就咁食已經超好食。刺身拼盤呢一個刺身盛合有五款新鮮嘅刺身，分別有帶子，三文魚，赤身，勘八同埋赤蝦。每一款都切得好厚身，超級新鮮，尤其係三文魚同埋赤蝦，入口即溶，大滿足。蒜香粟米粟米本身已經好香甜，表皮燒到微脆，每一粒粟米香甜多汁，正。炸豆腐呢一個炸豆腐相比起就比較淡味，但係充滿豆香，外皮炸到香脆，配上少少木魚碎同埋香蔥，好好食。燒沖繩菠蘿菠蘿香甜多汁，咬一啖啲汁喺個口到噴出來，好香。幸福燒雞呢一隻燒雞份量大小剛好，雞皮燒到香脆，雞肉肉質好嫩滑，雞肉連皮一齊食，咬落