Nutmad (Moved) New Location

觀塘工廈一向有唔少餐廳，但就唔係間間都好食。今次試左呢間相當受歡迎嘅Nutmad, 基本上假期都要事先bk位先有得食😋我地當日用餐時間只係得一個鐘，係有少少趕。餐廳嘅環境唔算大，一眼望得晒。我地係lunch time去到，分別叫左份 煙燻豬豬卡邦尼（$108）同 慢煮伊比利亞黑毛豬（$188）。兩款食物賣相都非常吸引😋呢度嘅卡邦尼冇落忌廉去炒，醬汁以芝士同蛋汁調配而成，食落蛋香更突出❤️上面煙肉脆脆食落甜甜地，整體黎講都好好味。慢煮黑毛豬更加係令人非常驚喜！黑毛豬嘅外層塗上左厚厚嘅蜜糖，食落甜甜地。豬肉用左慢煮嘅煮法制成，令肉質得以保持嫩滑，同時亦保留到個肉汁，味道相當出色❤️