龍門一番 上海·紫砂燉湯 (Closed)

前排係屯門想搵間茶飲下嚟咗呢間，原來呢間就主要唔係飲茶而係食上海菜嘅入到去問我地飲咩茶一輪嘴勁快講咗幾款我都聽唔切，條友仲要唔耐煩原來佢地呢度係一個茶包再自己沖咁去到食野啦，點心種類真係冇乜，叫咗個小籠包同灌湯餃小籠包算多湯汁不過個灌湯餃皮超厚好似食緊菜肉包D包皮咁湯嘅話都算足料暖胃另外小菜叫咗個豬手同蟹粉豆苗豬手都算OK，但個蟹粉豆苗真係唔得，D豆苗好似滾水淥完上碟就算，上面鋪咗D蟹粉同豆苗完全唔夾冇入過味，蟹粉本身都唔係濃味講返個環境食食下隔離牆壁無啦啦有小強爬緊，嚇到我彈起身同個店員講，點知個點員仲要話返我冇咩咁出奇，佢地時不時都有然後就走咗去當完全冇事發生