Video
Read full review
2021-08-23
969 views
一大班朋友食飯，最岩去食大排檔😏，睇食評同相都覺得呢間餐廳唔錯，雖然夏天無冷氣，不過都有D流動冷氣風機係度，如果平心靜氣咁食，都唔會出汗嘅。一如以往，黎之前已經睇定餐牌同食評，見到唔少人都會推介咕嚕野，呢度除左豬肉外，仲有雞球同蝦球，識食緊係食蝦球啦!咕嚕蝦球炸粉算薄，入口果陣仲脆脆地，熱辣辣，蝦肉彈牙，份量以海鮮黎講都唔少。黃金鮮魷 $138另一款人氣推介嘅食物係黃金系列，上枱果陣好香鹹蛋味，不過蛋黃搓得唔夠溶，仍然有大大粒蛋黃係度；魷魚炸衣好薄，加上炸到好脹、好易碎，因為呢個原故，蛋黃同魷魚無炒均勻。蛋黃無炒至起沙，入口油感偏重； 椒鹽白飯魚 $108之前係其他餐廳食過，深深愛上。呢度白飯魚份量OK，見似大大條嘅白飯魚，其實係炸粉脹起而產生嘅錯覺，實際D魚幾瘦，整體幾有空氣感。黑椒薯仔牛柳粒 $128薯仔最好味，食果陣仲有少少脆；牛柳份量多，肉質好淋，不過得個淋字，完全無牛味；個人覺得唔夠乾身。頭抽乾炒牛河 $88賣相唔錯，色澤對辦，亦有鑊氣，牛肉份量都幾多，不過味道偏淡，同埋河粉好碎。辣式墨魚餅 $118大大塊，賣相都幾靚，不過呢度炸物都有共通點，就係炸衣受熱發脹得好犀利，看似有
一如以往，黎之前已經睇定餐牌同食評，見到唔少人都會推介咕嚕野，呢度除左豬肉外，仲有雞球同蝦球，識食緊係食蝦球啦!
咕嚕蝦球
咕嚕蝦球
21 views
0 likes
0 comments
炸粉算薄，入口果陣仲脆脆地，熱辣辣，蝦肉彈牙，份量以海鮮黎講都唔少。
黃金鮮魷 $138
黃金鮮魷
$138
26 views
0 likes
0 comments
另一款人氣推介嘅食物係黃金系列，上枱果陣好香鹹蛋味，不過蛋黃搓得唔夠溶，仍然有大大粒蛋黃係度；魷魚炸衣好薄，加上炸到好脹、好易碎，因為呢個原故，蛋黃同魷魚無炒均勻。蛋黃無炒至起沙，入口油感偏重；
椒鹽白飯魚 $108
椒鹽白飯魚
$108
20 views
0 likes
0 comments
之前係其他餐廳食過，深深愛上。呢度白飯魚份量OK，見似大大條嘅白飯魚，其實係炸粉脹起而產生嘅錯覺，實際D魚幾瘦，整體幾有空氣感。
黑椒薯仔牛柳粒 $128
黑椒薯仔牛柳粒
$128
11 views
0 likes
0 comments
薯仔最好味，食果陣仲有少少脆；牛柳份量多，肉質好淋，不過得個淋字，完全無牛味；個人覺得唔夠乾身。
頭抽乾炒牛河 $88
頭抽乾炒牛河
$88
11 views
0 likes
0 comments
賣相唔錯，色澤對辦，亦有鑊氣，牛肉份量都幾多，不過味道偏淡，同埋河粉好碎。
辣式墨魚餅 $118
泰式炸墨魚餅
$118
24 views
0 likes
0 comments
大大塊，賣相都幾靚，不過呢度炸物都有共通點，就係炸衣受熱發脹得好犀利，看似有厚度既墨魚餅，其實幾薄身，所以食落無乜彈牙感。
椒絲腐乳炒通菜
椒絲腐乳通菜
17 views
0 likes
0 comments
呢個係我地一致認為係全餐最好味、最有鑊氣嘅小菜，通菜爽脆，又夠味，係油D。
炸雞翼
炸雞翼
26 views
0 likes
0 comments
呢款雞翼真心懷疑佢即解凍即炸，因為完全無味🙄、無鹹味、無雞味、無腥味，肉質偏實，真係好睇唔好食😑。
薑蔥魚卜煲 $148
薑蔥魚卜煲
$148
17 views
0 likes
0 comments
友人中意食魚製品，可惜呢個小菜強差人意，薑同蔥炒得好香好味，但主角魚卜仍然帶腥😥。
雖然環境似地道大排檔，但上菜速度卻令人以為自己食緊私房菜😐，明明當日只有2-3枱客人。唯一優點係食物一定熱，但味道真心麻麻，而且偏油。9款食物，另點4支汽水、2支茶，共1200，價錢值唔值就見人見志，我只覺得現實同想像有落差，所以當日大家都感到失望😣。
此外，值得一讚嘅係職員服務好好，好主動，比茶餐廳更好。
Post
