Video
Read full review
2007-08-24
1 views
今日已經係我第二次去喇,襯仲有記憶上o黎留返個評語先!二位用,叫o左以下o既菜,價錢可能互相撈亂o左清炖雞湯$38素菜腐皮卷$42三寶疏$38牛肉麵$48鎮江肴肉$48連加一共$240清炖雞湯幾好,炖湯好出味,不過乜都未食就飲佢會覺得鹹o左少少,食o左o野之後再飲就o岩o岩好喇素菜腐皮卷本人極不推介,面頭o既腐皮類似斑cake皮,乾爭爭咁,唔明點解咁多唔同o既素菜做涵但竟然一d味都冇!三寶疏非常一般,兩款菜+幾隻冬姑,味道清啖冇特別,我因為覺得今餐冇乜菜食先點,如果你地都想食多d菜都可以考慮,o個度菜類o既餸o黎講$38有三款唔同o野食已經叫抵食牛肉麵係5樣o野最好食o既o野,湯底好正,辣度又o岩o岩好,必食推介,不過唔食原茜蔥o既人記得要叫"走青"鎮江肴肉第一次o黎時食過覺得幾特別先帶bf o黎食多次,佢就唔多欣賞,不過我覺得都唔錯,望落去似肥豬肉,食落去一d都唔膩,口感好特別,又有少少肉味,未食過o既人一定要試一試我個人覺得餸菜份量太少,事關我同bf都係大食之人,8點幾食完到11點幾就肚餓喇,最慘就係食唔飽已經駛o左$240,又唔係特別好食,唔多抵食比比夫人總結:好一般o既食肆,唔
二位用,叫o左以下o既菜,價錢可能互相撈亂o左
清炖雞湯$38
素菜腐皮卷$42
三寶疏$38
牛肉麵$48
鎮江肴肉$48
連加一共$240
清炖雞湯幾好,炖湯好出味,不過乜都未食就飲佢會覺得鹹o左少少,食o左o野之後再飲就o岩o岩好喇
素菜腐皮卷本人極不推介,面頭o既腐皮類似斑cake皮,乾爭爭咁,唔明點解咁多唔同o既素菜做涵但竟然一d味都冇!
三寶疏非常一般,兩款菜+幾隻冬姑,味道清啖冇特別,我因為覺得今餐冇乜菜食先點,如果你地都想食多d菜都可以考慮,o個度菜類o既餸o黎講$38有三款唔同o野食已經叫抵食
牛肉麵係5樣o野最好食o既o野,湯底好正,辣度又o岩o岩好,必食推介,不過唔食原茜蔥o既人記得要叫"走青"
鎮江肴肉第一次o黎時食過覺得幾特別先帶bf o黎食多次,佢就唔多欣賞,不過我覺得都唔錯,望落去似肥豬肉,食落去一d都唔膩,口感好特別,又有少少肉味,未食過o既人一定要試一試
我個人覺得餸菜份量太少,事關我同bf都係大食之人,8點幾食完到11點幾就肚餓喇,最慘就係食唔飽已經駛o左$240,又唔係特別好食,唔多抵食
比比夫人總結:好一般o既食肆,唔知點解咁多人等位
Post