發記東南亞餐室 (Closed)

今日去開大坑，就來試下呢間食店。入到去，已覺服務唔錯，望完menu，就點了海南雞配油飯。先上了碗湯，一飲第一啖，嘩，咸到喊，唔知係味精定係鹽，總之就咸到入唔到口。主角海南雞同油飯到了，顏色就好靚，先食舊雞，唔係我親眼見到佢係一舊雞，我都唔會相信我食緊既係雞，完全無雞味，應該係咩味都無呀。再試下油飯，不得了，覺得好像是兩種米溝埋一起煮出來的，當中有生米，亦有淋到一pat pat的，亦無油飯的香味，完全中伏。不過，佢哋的服務真的一讚，所以我將來仍會再來一試佢地其他食品的。