餃子園

Open Now

Now Closed

特發走上黎試下呢間嘅餃子，因為中午繁忙時間，所以真係好混亂，坐得好唔舒服好逼，而且服務態度不能更差，完全係催你落單，等左好耐都上唔到菜，同埋一擺低筷子口入面啲野未吞落去就趕你走。講真，舖頭入面嘅環境真係差，完全唔明點解可以坐到咁逼，同隔離個個幾乎貼到實一實，而且感覺好唔乾淨咁。一坐低侍應會擺低個碗仔同筷子，之後就落單啦。我嗌左一個碧綠素菜餃（$50）同滷蛋（$7），個滷蛋係催左好多次都未上。咁都預左啦，侍應係好求其咁pat低左個碟碧綠素菜餃就走左，一共有十隻，不過細細粒，食完都唔會覺得好飽。坐得咁唔舒服真係唔敢再有咩期望，燈光又昏暗真係食左咩落肚都唔知。餃子皮係北方厚實個種，餡料唔算多，而且都係好簡單，好似除左青菜同埋粉絲就乜都冇，冇乜味道，不過加埋醋同埋弄瓣醬就唔錯。滷蛋上檯都俾佢嚇親，爛晒咁樣，而且雞蛋好細隻，滷水味唔濃，簡單黎講我完全唔明點解自己要嗌一隻咁嘅野。當我擺完最後一隻餃子入口，侍應即刻衝過來收碟同埋叫我出去俾錢，講真我真係仲未吞落去，我覺得佢地嘅服務態度真係好有問題。佢地嘅野唔係難食，但總括各方面，加上佢嘅價錢又唔係平過人，我唔會再返黎幫襯佢地！一星期後我過左佢地對面個