Video
Read full review
2023-04-03
281 views
喺旺角行街行到攰攰哋，想搵個地方食個tea。可惜西洋菜南街呢邊無乜舊式茶記，所以就求其去咗紅豆冰室食。去到門口講低話兩位，入面啲staff已經唔係好理我哋。過咗分零鐘就有個行埋嚟問幾多個，咁我就話兩個啦，佢聽完之後就行咗入去，我以為佢係帶我哋入去咪跟住行囉。行咗幾步就唔太耐煩咁嗌我哋去門口等，未有位住.... 我心諗都唔知佢做乜。本身想去過第二間架啦，不過朋友話是但照等啦，咁就喺門口等咗幾分鐘。坐低咗開始睇吓食乜啦，咁過程都正正常常geh。講番啲嘢食先，我嗌咗個茶/常餐，火腿炒蛋牛角包加茄牛通。牛角包就擺耐咗有啲凍，火腿似係烚熟定一大堆放喺到，又係凍冰冰geh。至於炒蛋就還好，唔會好老同唔算油。茄牛通一食落去就好重人造蕃茄味，用大量茄膏開出嚟geh 湯底，得好少部份係真蕃茄，唔掂。總結係無咩必要就揀其他餐廳食啦
可惜西洋菜南街呢邊無乜舊式茶記，所以就求其去咗紅豆冰室食。
去到門口講低話兩位，入面啲staff已經唔係好理我哋。
過咗分零鐘就有個行埋嚟問幾多個，咁我就話兩個啦，佢聽完之後就行咗入去，我以為佢係帶我哋入去咪跟住行囉。
行咗幾步就唔太耐煩咁嗌我哋去門口等，未有位住.... 我心諗都唔知佢做乜。
本身想去過第二間架啦，不過朋友話是但照等啦，咁就喺門口等咗幾分鐘。
坐低咗開始睇吓食乜啦，咁過程都正正常常geh。
講番啲嘢食先，我嗌咗個茶/常餐，火腿炒蛋牛角包加茄牛通。
牛角包就擺耐咗有啲凍，火腿似係烚熟定一大堆放喺到，又係凍冰冰geh。
至於炒蛋就還好，唔會好老同唔算油。
茄牛通一食落去就好重人造蕃茄味，用大量茄膏開出嚟geh 湯底，得好少部份係真蕃茄，唔掂。
總結係無咩必要就揀其他餐廳食啦
Post
