祥仔辣辣 (海運大廈) (Closed)

Lunch time 去咗海港城呢邊食，好耐冇食過酸菜魚，見祥仔辣辣呢度Lunch set 有酸菜魚拉麵，就入去試吓啦！拉麵幾好，有咬口。但酸菜魚湯只酸唔夠辣，魚嘅份量唔算少，但可惜唔夠滑。整體來講，就唔夠正宗嘅酸菜魚。服務方面，阿叔就真係好似茶餐廳阿叔咁囉，唔係差，但又冇特別好。呢個lunch set 原價$138，foodie story 會員先係$108，仲有3款小食。價錢來講，唔算好貴，但味道唔夠正宗，再加上茶餐廳嘅服務，就感覺唔太值呢個價錢。