大榮樺

Open Now

Now Closed

呢間餐廳要一早嚟等位，齊人先準入座，入座前又要叫定嘢，咁多條件都仲日日要排隊，今日終於有機會試到，結論係：「除咗大碟之外其實冇乜特別，如果睇埋個價錢就更加覺得唔特別，百幾蚊一份唔係特別好味，所以就要大碟啲咁先至合理。」呢個係香煎西冷牛扒，可以配飯、意粉、薯菜又或者好似依家配沙律，有餐湯再加餐飲，盛惠$118。牛扒質素同味道屬於正常，當然唔會問你要幾成熟啦，始終呢啲一般般牛扒都寧願食全熟嘅安全啲，唔係唔好食，但係一定唔算好好食。餐湯得一款而且仲係限量，門口餐牌寫明送完即止。