金記冰室 (八號花園) (Closed)

今日嚟到大埔出show，一做就做到夜晚，好肚餓，所以喺附近搵間餐廳食下。金記冰室其實好多地方都有，不過一直都冇機會試。今日終於去試到啦。我叫咗個京都肉排，只係$58 ，加$15仲可以配白飯同飲品，非常超值啦！京都肉排甜甜地酸酸地，非常之開胃。而且菠蘿同洋蔥都好多，令到成個菜更香。個汁撈飯，平時食半碗飯嘅我，今日都食晒成碗。本身仲想試吓佢個甜品金粒西多配雪糕，不過太飽啦食唔到，唯有留返下次有機會再試下啦。