Bellini (Closed)

補13/11好耐冇食過西餐，食個湯，主菜，甜品再飲杯咖啡。趁冇乜嘢趕交貨，仲唔食等幾時？樓面得二十個位左右，唔爆位。本人就比較偏向中午要飯，所以多數會簡意大利飯。不過今次呢個要配羊扒。牛扒煮唔好最多過熟乾身，如果本身塊肉靚，味道影響唔大。羊扒煮唔好，係最地獄。食紫不但止，個陣膻味好似火山爆發咁成碟飯都係，想硬食都唔得。但人總是犯賤。先有個湯同多士。湯係粟米忌廉湯。等左大約15分鐘。個飯望落都幾古怪，洋蔥加西蘭花。個汁好似食緊中式嘢咁。飯粒唔太生，中間冇晒白色，但依然係有咬口。羊扒望落都比較熟，只係面層落咗少少胡椒。入口第一啖唔覺好大陣羶味，咬多幾下就開始湧出黎，濃郁但唔過份，亦都好快就散發咗。甜口係兩小舊芒果味嘅蛋糕，極淡芒果味，亦冇朱古力味。我只能形容為一舊甜嘅蛋糕。都幾今人失望。總結: 雖然配撘有啲奇怪，但味道唔錯，甜品有啲失望。價錢可接受範圍內，可以返轉頭再食。