三清洞摩西 (Closed)

呢日同男友喺銅鑼灣閒逛，冇事先諗好食咩，行到hysan附近，就決定嚟呢到食個部隊鍋。之前都嚟過呢到，因為嗰期網上都好多人推介佢。由於佢主打部隊鍋，配料嘅選擇都唔少，而且價錢親民，又可以加錢加配料，夠彈性，豐儉由人。今次我哋叫咗個set，有一個2人份部隊鍋同一份飯捲。部隊鍋來了！滾嘅時候bulubulu咁超吸引。年糕、拉麵同午餐肉就唔少得架啦，上面配有芝士同炸餃子。芝士有點唔夠，可能係我重口味啦炸餃子還可以，但要視乎個人喜好，想脆口d就要快d挾起。鍋嘅分量適中，2個女仔食啱啱好，同男友食就要叫多碟餸。味道嚟講，正常，冇咩特別; 辣度係中辣，我應付自如，但男友就叫救命叫咗杯水，用嚟沖走年糕上嘅湯汁。侍應見狀就端來一大碗熱水俾佢慢慢沖，好細心，抵讚飯捲，餡料豐富，而且牛肉有炭香味