坤記煲仔小菜 (Moved) New Location

今次係坤仔記嗌外賣，叫咗個白鱔滑雞飯同埋栗子田雞煲。外賣好快就送到，可能唔係繁忙時間啦，45分鐘到就有得食啦！如果一人叫一個飯再加小菜，其實會食得好飽，但價錢就偏貴。個白鱔滑雞飯係幾好食，加埋佢啲豉油，真係唔錯👍🏻 但係啲飯焦就略嫌偏硬，鍾意食硬飯焦嘅人應該會好鍾意！整體來講，煲仔飯加埋鼓油係真係幾好食㗎👍🏻個栗子田雞煲就盛惠$138，少少偏貴啦，田雞唔算好多，但好大隻好有肉。栗子就比得幾多下，有成10粒左右，但我嫌佢整得唔夠林，偏硬，栗子來講都唔算好好食。