迎月小菜館 (Closed)

剛接完機番出市區，落巴士行不遠就到。9點幾又有行李，當然唔想去間多人。所以就黎左呢間。9點幾都只係淨幾圍枱。叫左個魚湯香菜仔，煎焗魚咀煲同一個沙拉骨。一坐低有小碟青瓜。好味，不過份量太小。等左唔洗好耐就有餸，先來了一碟菜。味道不錯，唔會太鹹但又夠味。之後個魚咀煲，好香又香口。我唔太喜歡食多骨的魚都食到一整件魚頭，真係幾好味。沙拉骨就一般，份量少左啲，而且肉質唔夠林。骨太多，冇咩肉食。平時都唔多用牙簽的我都因為呢個沙拉骨用左2支牙簽。最後有糖水送，綠豆沙，唔太甜，幾好。整體來說，以呢個味道又唔洗同人迫，很不錯。如在呢頭食飯都會選擇再去。