好燒味 (Closed)

喺中環返工放lunch度度都好多人，多數都係叫外賣食。今次試下女子燒味。之前聽朋友講過，佢地話好好食，咁我就即管試下啦。第一次試就叫個叉燒飯試下先，一黎鍾意食，二黎叉燒好基本，應該都唔會太伏。包裝幾簡單。一打開，見到咁多叉燒有D愕然D叉燒分左兩排，每排都有成7-8塊，真係超級多，唔會食得哂不過一打開飯盒見到連菜都冇條又係有少少驚訝。個飯盒比我想像中好食，啲叉燒好林好入味。D肉都幾嫰，又唔乾，好唔錯。最欣賞係佢半肥瘦，個人認為半肥瘦嘅叉燒係最好食。D飯都幾好，濕度剛好。朋友話我好彩，因為有時會唔好食。咁我諗呢度質素都飄忽，要睇彩數不過整體感覺都係差咁D野，好似差左D真係食燒味飯嘅感覺，呢個只係一個普通好食嘅叉燒飯，而唔係燒臘舖嘅燒味飯。