嘉寶漢堡 (嘉寶大廈)

Open Now

Now Closed

香辣煙肉磨菇芝士牛堡（$44），辣味適中，幾惹味，兩片大大塊煙肉，大量磨菇片，漢堡牛據聞是手打的，都有肉汁，食落較軟身，麵包鬆軟。黑松露芝士牛堡（$46），大大pat黑松露醬，頗香，同漢堡牛都幾夾。加$15變套餐，有小食+飲品。薯條份量都幾多，而且炸得不錯，熱辣辣脆卜卜。另外再追加兩樣小食$10@。炸芝士，一般貨色，比較普通。香脆粟米片雞塊，即係炸雞塊+粟米片表皮，好特別亦好味道，之前未係其他地方食過，唔錯。下次試吓豬或者雞，甚至海鮮都可以。