麵屋一平安 (Closed)

我個人叫了滑蛋豬扒飯，好好味，雞蛋滑溜，加埋飯一齊食真係一流。豬扒粉唔厚，咬落去又唔會特別咸，又有應有豬扒脆脆面層既口感，又有軟熟豬扒既肉感，估唔到0係圓方呢間小鋪有咁既水準。先生叫了拉面，好似叫一平安拉面，佢話好味，但三扒兩啖就食完，份量好似少了一點，男士們應該一定唔夠飽！串燒類我們點了少許，味道中規中舉，沒有一樣係好印象難忘，大概可試可不試。價錢也偏貴。總括來說，因為我欣賞佢既豬扒飯，我都覺得會再黎食的！