稻香超級漁港 (南豐廣場) (Closed)

朋友想食阿拉斯加長腳蟹，最近屋企、最平好似呢間。網上食評對呢個集團評價一般般，不過我打算食蒸蟹，估計唔會太大機會出事。年初五晚上六點左右，冇乜客，唔駛等位。兩個人，order 咗阿拉斯加長腳蟹（清蒸），蒜香豆苗同燒鵝例牌。我覺得太多。職員撈蟹埋枱confirm, 話4斤2，朋友仲話唔算大，可以自己食晒。長腳蟹味道唔錯，新鮮，啖啖肉，正！仲要全隻上，方便相機食。邊食邊自己剪，先食完晒啲腳，打開蓋，裏面仲係熱嘅。價錢比我之前在其他店食平。蒜香豆苗都唔錯。冇渣，但嫩啲更好。燒鵝例牌比想像中大/多。味道都唔錯。兩個人食，好飽！蟹蓋內類似膏嘅只係食咗幾啖。