八月花 (Moved) New Location

昨晚到九龍塘八月花晚膳。餐廳裝潢較trendy，以紅色佈置作主調。也許人客不是太多的關係，我們二人被安排坐在一個四人卡位，座位寬敞舒適。食物方面，點了以下數款小菜：脆皮牛坑腩：外層脆皮鬆化，厚薄恰怡，夾起來亦不會散。牛坑腩肉質OK，不過以味道來說，還是雲吞麵舖嘅牛腩好食D。脆脆麥皮蝦：簡單說是黃金蝦嘅改良板，內層蝦肉爽脆，外層既有鹹蛋黄嘅甘香，亦有麥皮脆片帶來的脆脆口感，味道好得！爺爺栗子雞：用原個椰子盛載。椰汁味道不算太濃，OK；栗子雞普普通通，尤其是雞件，份量雖多，但因是雪藏雞柳的關係，肉質雖腍，但雞味欠奉；反而內裡的椰肉卻帶來驚喜，氣味清香，口感嫩滑，味道甜甜地，好食喎！可惜只有三數片，略為不足。迷你竹筒飯：另一好食之選。竹筒飯洋溢着淡淡荷葉飯嘅清香，飯粒色水不俗，亦夠乾身，內裡混雜乾瑤柱、雞粒及冬菇粒等，味道調配得宜。花旗蔘螺片湯：用紫沙茶壼盛載，份量唔算多，但味道香濃。平時用紫沙茶杯盛載的當然係茶，現在換了湯，感覺也頗特別。