潮興魚蛋粉 (Closed)

今日放假去太古鰂魚涌行下，午餐想食個簡單粉麵，就諗起呢間潮興魚蛋粉，佢有幾間分店，以前我會食灣仔果間多，呢間反而第一次食。見到人食牛腩好似幾靚，於是我叫左一碗牛腩魚蛋米。牛腩幾淋，不過有一兩舊鞋鞋地，尚算ok， 魚蛋真係有啲奇怪，有魚味嘅，不過口感好奇怪，好似豆腐咁淋，基乎唔洗咬都得，心目中嘅魚蛋係彈牙架嘛，所以真係覺得好怪。腩汁湯底好濃味，我鐘意食辣一定要加辣招油，這家辣椒油幾香，不過唔辣喎，不過加左係惹味啲嘅。