靚煲皇 (Closed)

今日和喜歡吃打邊爐的朋友吃晚餐，所以突然想起之前有間餐廳不錯就和他十點鐘來到，幸好仲有一張桌坐，來到見到有不少小菜選擇，最後我們要了二個小食和打邊爐，待應都好好地介紹，而這些小菜這幾個月都有，到約十月再轉其他，期待之後來又有新小菜。蝦兵愛上老友條，油炸條沒想到不油又夠脆口，蝦好彈牙味道不錯，而且醬味道都十分特別，好清新而且增加不少味道。另一款的家鄉腐皮卷都來到了，有點孜然味好特別又夠香脆。期待的雞窩來到，冬瓜花膠雞窩，好大隻雞份量十足，雞都好嫩滑，湯底好清甜，入面仲有不少配菜入晒味，最底仲有一大片冬瓜，煲了一陣再飲湯更鮮甜。打邊爐當然要叫牛肉啦，今次得二人所以要了手切肥牛要了小碟， 原來份量咁多而且肉質十分好，牛肉味又濃郁。鮮甜湯底當然叫鮮淮山和萵荀，好新鮮又多份量。飲品多選擇，我地一人一枝烏龍茶和竹蔗茅根，一路食一路傾計都十分開心又滿足的一餐。