Pho Bar (Closed)

朋友嚟開中環，叫我帶佢食啲一定好食嘅～即刻諗起Pho Bar～每次帶朋友去食都一定讚好食～好耐無去食Por Bar喇～耐到Menu都唔同咗～我以前食開嗰個叫特級，而家去返已經淨係得返至尊LU～雖然小咗啲嘢～但又多返啲嘢～豬頸肉撈檬同越南河都係新嘅～不過我唔食豬頸肉，所以我都係叫返美國頂級牛肉河粉加牛柏葉～依然都係只要莞茜牛肉好林好滑～超級好味～牛柏葉都好多，好爽口彈牙～必食推介～河粉幼，湯底夠味超好飲～我差啲忍唔住飲晒感覺份量多咗，之前食完覺得啱啱好～而家食完就好飽～朋友就揀咗至尊金邊粉～乜都有齊晒，有牛腩、頂級牛肉、牛肉丸、扎肉、牛柏葉、牛展我偷食咗小小牛丸、牛展同牛腩～牛丸好彈牙、牛展有口感仲好好味～牛腩有啲肥膏，夠林又唔會攝牙～個人覺得金邊粉無河粉咁好味～但都可以接受～可能我只係鐘意河粉嘅關係必叫小食就係秘制薯條～我其實鐘意紫菜配日本鹽味多啲～可能覺得秘制薯條太濃味掛～每次都會介紹朋友食，但多數朋友都歡喜秘制薯條～所以我今次就叫咗呢隻味比朋友試～朋友話薯條辣得好過癮～超級好食，最鐘意就係有三款醬～明太子醬、茄醬同一個帶有微微酸又有小小辣嘅醬～當然明太子醬係最受觀迎啦～幾想叫佢比晒