漢堡王 (Closed)

話說做完手頭上既野，就黎呢度食個速食先返歸。呢個moment，真係諗唔到食乜野。就只好食個華堡餐，因為我覺得華堡既質素會比較好。而且份量好夠，唔使揀就揀佢啦。華堡同之前食既都差唔多，牛肉好有燒烤既味道。而且份量比我預期多，好有肉味同好juicy。唔會整到好乾，呢塊牛肉都算係超班。此外，個華堡既配料好新鮮。鮮甜既蕃茄再配上爽口既洋蔥，真係唔錯架。要彈既係，但沙律醬既份量多左小小。食到有小小狼狽。薯條雖然只係用上M記既幼薯條，但味道卻好唔同。呢個係炸得好脆口，好明顯係新鮮炸出黎既。呢薯條先好食，食落又唔會太油。薯條都算係佢地既可取之處，味道都唔差既，至少比M記既好。汽水就無乜野講，都係咁既味道。都係比較有汽既，唔會覺得剩係飲緊糖水。價錢雖然係貴，但味道就因為咁而升值。實有下次既，只希望下次可以有更多新野出。