PizzaExpress (荃灣廣場) (Closed)

同朋友一齊出嚟食午餐，仲要帶埋小朋友當然就會揀一間可以拍到車嘅餐廳，最後我哋就選擇咗荃灣廣場食薄餅，係我近排覺得味道都唔錯嘅一間餐廳。因為我哋今次係聖誕節嘅關係，所以就有啲二人餐，我哋叫咗一個價錢最後每人$162講真係好飽，而且價錢都十分之合理，保持到水準。

我哋叫咗一個小食，麵包芝士，麵包都幾鬆軟，如果芝士味再濃一啲就更好，芝士醬汁都十分之多。薄餅方面叫咗火雞薄餅，材料比較少左啲，但味道都幾好食，帶點微辣，皮夠脆口。海鮮意粉味道好味，而且又帶點辣，海鮮方面都份量不少，意粉口感不錯。飲品叫咗一個花茶和一個榛子白朱古力，榛子白朱古力唔太甜，有驚喜，但朱古力味就比較少。